അടുത്ത കാലത്ത് കോഴിക്കോടുള്ള വനിതകള്‍ പുതിയൊരു സമരത്തിന് തുടക്കമിട്ടിട്ടുണ്ട്. വിവിധ സ്ഥാപനങ്ങളില്‍ ജോലി ചെയ്യുന്നവവര്‍ക്ക് പ്രാഥമികകൃത്യങ്ങള്‍ നിര്‍വഹിക്കാന്‍ സൌകര്യം ഏര്‍പ്പെടുത്തണമെന്നതാണ് ആവശ്യം. മുമ്പ് കോഴിക്കോട് അങ്ങാടിയില്‍ ഉണ്ടായിരുന്ന മൂത്രപ്പുരകള്‍ വ്യാപാര സമുച്ചയമായി മാറിയതായും അവര്‍ ചൂണ്ടിക്കാട്ടുന്നു. രാവിലെ വീട്ടില്‍ നിന്നിറങ്ങിയാല്‍ മടങ്ങി വീടെത്തും വരെ മൂത്രം ഒഴിക്കാതെ പിടിച്ച് നില്‍ക്കുന്ന വനിതകളുടെ അവസ്ഥ ഒന്ന് ആലോചിച്ച് നോക്കു......
കോഴിക്കോട്ടെ വനിതകളുടെത് മാത്രമാണോ മൂത്രശങ്കയുടെ പ്രശ്നം. കേരളത്തിലൊട്ടാകെ സഞ്ചരിക്കുക, അപ്പോഴറിയാം മൂത്രശങ്കയുടെ വേദന. കേരളത്തിലൊരിടത്തും പ്രധാന കേന്ദ്രങ്ങളില്‍ മൂത്രപ്പുരകളില്ല. റെയില്‍വേ സ്റ്റേഷനിലോ കെ. എസ്. ആര്‍. ടി. സി ബസ് സ്റ്റാന്റുകളിലൊ മാത്രമാണ് പ്രാഥമികകൃത്യങ്ങള്‍ നിര്‍വഹിക്കാന്‍ സൌകര്യമുള്ളത്. കെ. എസ്. ആര്‍. ടി. സി കളിലെ ടോയ്ലറ്റുകളില്‍ ഭീതി കൂടാതെ കയറാന്‍ കഴിയില്ലെന്ന അവസ്ഥയുണ്ട്. മുമ്പൊരിക്കല്‍ കോട്ടയം സ്റ്റാന്റിലെ വനിതകളുടെ ടോയ്ലറ്റിലേക്ക് പുരുഷന്മാരെ കടത്തി വിടുന്നത് കണ്ടിരുന്നു. തിരക്ക് നിയന്ത്രിക്കാനെന്ന ന്യായവും ഇതിന് നിരത്തി. കെ. എസ്. ആര്‍. ടി. സി അധികൃതരോട് പരാതി പറഞ്ഞപ്പോള്‍ പുലര്‍കാലെ ചീത്തവിളിയും കേല്‍ക്കേണ്ടി വന്നു.
തലസ്ഥാനമായ തിരുവനന്തപുരത് മുമ്പ് പാളയത്തും തമ്പാനൂരിലും കിഴക്കെ കോട്ടയിലും തുടങ്ങി എത്രയോ സ്ഥലങ്ങളില്‍ പൊതു മൂത്രപ്പുരയുണ്ടായിരുന്നു. എന്നാ ഇന്നോ പേരിന് പോലും തിരക്കുള്ള സ്ഥലങ്ങളില്‍ മൂത്രപ്പുരയില്ല. പുരുഷന്മാര്‍ക്ക് പോലും ശങ്ക തീര്‍ക്കാന്‍ സൌകര്യ പ്രദമായ ഇടം തേടി അലയണം. അപ്പോള്‍ വനിതകളുടെ കാര്യം പറയാനുണ്ടോ? ഇത് തലസ്ഥാനത്തിന്റെ കാര്യം മാത്രമല്ല, എല്ലാ പ്രധാന നഗരങ്ങളിലും സ്ഥിതി വിത്യസ്ഥമല്ല. പ്രധാന വിനോദ സഞ്ചാര കേന്ദ്രങ്ങളിലും ടോയ്ലറ്റ് സൌകര്യമില്ല. അവിടെങ്ങളില്‍ ഹോട്ടലുകളെ ആശ്രയിക്കുകയെ തരമുള്ളു. അവിടെ എതൊക്കെ തരം ഒളികാമറകളാണുള്ളതെന്ന് ആര്‍ക്കറിയാം.
അടിസ്ഥാന സൌകര്യമൊരുക്കേണ്ട തദ്ദേശസ്വയം ഭരണ സ്ഥാപനങ്ങള്‍ക്ക് ഇതിലൊന്നിലും താല്‍പര്യമില്ല. മുമ്പ് ടോയ്ലറ്റുകളായിരുന്ന കെട്ടിടങ്ങള്‍ ഇടിച്ച് നിരത്തി വ്യാപാര സമുച്ചയം നിര്‍മ്മിക്കാനാണ് അവര്‍ക്ക് താല്‍പര്യം. ജനങ്ങള്‍ക്ക് വേണ്ടി ജനങ്ങളാല്‍ തെരഞ്ഞെടുക്കപ്പെട്ടവരുടെ ഓരോ തമാശകള്‍.
you are absolutely right; but women should have the loo facility a requirement more than men who do not mind urinating in public place- it should also be discouraged. not only that the public comfort stations should be well kept. most ksrtc and railway station comfort stations do not have water and are untidy.
ReplyDeletepix good- avidunnu kitti?