ഫിൻലേ ഷീൽഡ്​ എന്ന നോസ്​റ്റാൾജിയ

ഫിൻലേ ഷീൽഡ്​ ഫുട്​ബോൾ ടൂർണമെൻറിന്​ മാർച്ച്​ മൂന്നിന്​ വിസിൽ മുഴങ്ങും. മൂന്നാറുകാരെ സംബന്ധിച്ചിടത്തോ​ളം കാലം എത്ര കഴിഞ്ഞാലും  ഫിൻലേ ഷീൽഡ്​ എന്നത്​ മാത്രമല്ല, പഴയമൂന്നാറിലെ ആ ​ഗ്രൗണ്ട്​ പോലും ചെറുപ്പത്തിലേക്കുള്ള മടക്കയാത്രയാണ്​.
മൂന്നാർ തിരക്കിലേക്ക്​ പോകുന്നതിന്​ മുമ്പുള്ള കാലയളവിൽ വ്യാപാരികൾ അടക്കമുള്ളവരുടെ ദിനച​ര്യയിൽപ്പെടുന്നായിരുന്നു കളി കാണുകയെന്നത്​. ഉച്ച കഴിഞ്ഞ്​ ജോലിയൊക്കെ തീർത്ത്​ എല്ലാവരും ​ഗ്രൗണ്ടിലേക്ക്​ വെച്ച്​ പിടിക്കും.  കളി വിലയിരുത്തിയുള്ള ചർച്ചയുമായി മടക്കവും.  കളി കാണുന്നതിന്​ ഒാരോ സംഘത്തിനും നിശ്ചിത സ്​ഥലം പോലുമുണ്ടായിരുന്നല്ലോ? ടിവി വ്യാപകമായി ലോകകപ്പും യൂറോ​പ്യൻ കപ്പുമൊക്കെ കണ്ട്​ ​തുടങ്ങിയിട്ടും ഫിൻലേ ഷീൽഡി​േനാടുള്ള ​പ്രേമം തുടർന്നു. ടൂറിസത്തിൻറ തിരക്കിലേക്ക്​ പോയതോടെ മൂന്നാറുകാർക്ക്​ മുന്നിൽ ഗസ്​റ്റ്​ അല്ലാതെ ആരുമില്ലല്ലോ. അതോടെ കളിയും വീട്ടുകാരുമൊക്കെ പുറത്തായി.
മൂന്നാറിലെ എസ്​റ്റേറ്റ്​ ടീമുകൾ വാശിയോടെ ജേഴ്​സിയണിഞ്ഞ്​ എത്തിയിരുന്ന ഒരു കാലമുണ്ടായിരുന്നു. ​ട്രാക്​ടറിൽ ടീം എത്തു​േമ്പാൾ, ഗ്രൗണ്ടിന്​ പുറത്ത്​ ആവേശം പകരാൻ സ്​ത്രീകൾ അടക്കമുള്ളവർ നേരത്തെ എത്തിയിരുന്നു. തോൽവിയും ജയവും ആയിരുന്നില്ല, മറിച്ച്​​ സ്​പോർട്​സ്​മാൻ സ്​പിരിറ്റിലായിരുന്നു കാര്യം. തൊഴിലാളിയും ഫീൽഡ്​ ഒാഫീസറും ചില എസ്​റ്റേറ്റുകളിൽ മാനേജറന്മാരും ഒന്നിച്ച്​ ജേഴ്​സിയണിഞ്ഞ്​ കളിക്കാനിറങ്ങിയിരുന്നു. കാലം പുരോഗമിച്ചപ്പോൾ ബൂട്ടണിഞ്ഞായി മൽസരം. ഇന്നി​പ്പോൾ എസ്​റ്റേറ്റുകളുടെ എണ്ണം കുറഞ്ഞു. ടീമുകൾ ശോഷിച്ചു. ഫീൻലേ ഷീൽഡ്​ കണ്ടിട്ട്​ വർഷങ്ങളായി. കളിക്കളത്തിൽ ആധിപത്യ പുലർത്തിയിരുന്ന സെവന്മലയും വർക്​ഷോപ്പും പേരിൽ ഇല്ലാതായി.
ഗ്രൗണ്ടിനോട്​ ചേർന്നുള്ള ലോവർ പ്രൈമറി സ്​കുളിൽ പഠിക്കു​​േമ്പാൾ തുടങ്ങിയതാണ്​ കളി കാണൽ. അന്ന്​, ഞങ്ങൾ ടൗണുകാർക്ക്​ സ്വന്തമായി ടീമില്ല. കൂട്ടുകാരിൽ ബഹ​ുഭൂരിപക്ഷവും വർക്​ഷോപ്പിലെ ജീവനക്കാരുടെ മക്കൾ ആയതിനാൽ ഞങ്ങളുടെ ടീമും വർക്​ഷോപ്പായി. അവരുടെ ശത്രുക്കൾ ഞങ്ങളുടെയും ശത്രുക്കളായി. ഇടക്ക്​ ഹെഡ്​ ക്വാർ​േട്ട്​സ്​ ടീം ഇറങ്ങു​​​​േമ്പാൾ ഞങ്ങളിൽ ചിലർ ആ പക്ഷത്താകും. എങ്കിലും ഞങ്ങൾ വർക്​ഷോപ്പിനൊപ്പം, അതിന്​ മറ്റൊരു കാരണവുമുണ്ട്​. അന്നത്തെ മികച്ച ടീമുകളിലൊന്നായിരുന്നു വർക്​ഷോപ്പ്​. മറ്റൊരു മികച്ച ടീം ഗ്രൗണ്ടിനോട്​ ചേർന്നുള്ള സെവന്മല എസ്​റ്റേറ്റും. ഹൈസ്​കുൾ കഴിയുന്നത്​ വരെ ഞങ്ങൾ വർക്​ഷോപ്പിൻറ ആരാധകരായി ടീമിനെ പ്രോൽസാഹിപ്പിച്ചു. സെവന്മല ശത്രു പക്ഷത്തും.
അന്നൊക്കെ ഇടക്കിടെ കളിക്കളത്തിൽ അടിയും പൊട്ടുമായിരുന്നു. റഫറിയെ ചൊല്ലിയാകും തർക്കം. ചോക്കനാടിലെ ഗോപാലൻ റഫറിയുടെ ആക്​ഷൻ ഇപ്പോഴും ഒാർമ്മയിലുണ്ട്​. വർക്​ഷോപ്പ്​ ടീമിൻറ ഗോൾ കീപ്പറായി തമിഴ്​നാടിൽ നിന്നെത്തിയ ഞങ്ങടെ മായാവിയുടെ സ്​റ്റൈലും പലരും പിന്തുടർന്നു. സെവന്മലയുടെ മികച്ച കളിക്കാരനായിരുന്ന ശേഖറണ്ണൻറ മരണവും മറക്കാനാവില്ല. എസ്​റ്റേറ്റ്​ മാനേജറായിരുന്ന വിജയകുമാർ സാ​റൊക്കെ ഞങ്ങടെ ചെറുപ്പത്തിലെ ഹിറോയായിരുന്നു.
ഒരു ഘട്ടം കഴിഞ്ഞതോടെ ഞങ്ങടെ തലമുറയിൽപ്പെട്ടവരായി കളിക്കാർ. വിവിധ എസ്​റ്റേറ്റുകൾക്ക്​ വേണ്ടി ബൂട്ട്​ കെട്ടുന്നവർ മൂന്നാർ ഹൈസ്​കുളിൽ പഠിച്ച്​ വളർന്നവർ. അലക്​സാണ്ടറും പ്രസാദും ഡോമിനിക്കും പി.എ. ജോസഫും സെബാസ്​റ്റ്യൻ കെ ജോസഫും റഫീഖും ഷിബുവും സെൽവരാജും ശേഖറും അവരിൽ ചിലർ. കുര്യൻ, സ്​റ്റാൻലി, ജെയ്​ലാനി, സുധീ​, മണി അങ്ങനെ ആ പട്ടി നീളുന്നു. അതോടെ    എല്ലാ ടീമുകളും ഞങ്ങ​ളുടെ ടീമായി. വർക്​ഷോപ്പിനും സെവന്മലക്കും ഒപ്പം നല്ലതണ്ണിയും ചൊക്കനാടും ദേവികുളവും കുണ്ടളയുമൊക്കെ മികച്ച ടീമുകളായി മാറി.
ഇടക്ക്​ ഫിൻലേ ഷീൽഡ്​ അല്ലാതെ മറ്റ്​ ടൂർണമെൻറുകൾ സംഘടിപ്പിച്ചിരുന്നുവെങ്കിലും ക്ലച്ച്​ പിടിച്ചില്ല. മൂന്നാർ മേളയുടെ ഭാഗമായി ഒരിക്കൽ സംഘടിപ്പിച്ച വനിത ഫുട്​ബോൾ മൽസരം ആക​െട്ട, കാണികളുശട കാര്യത്തിൽ റിക്കാർഡിട്ടു.
പിന്നിട്​ ജില്ല ഫുട്​ബോൾ അസോസിയേഷൻറ എക്​സിക്യുട്ടീവ്​ അംഗമായതോടെ സംഘാടകൻറ റോളിലെത്തി. വിജയകുമാർ സാർ ഇടുക്കി ഡി.എഫ്​.എയുടെ പ്രസിഡൻറായതിന്​ ശേഷമാണ്​ മൂന്നാറിലെ ഫിൻലേ ഷീൽഡിലും പ്രൊഫഷണൽ നിലവാരം കൈവന്നത്​. ടാറ്റാ കമ്പനി ടീമും വാർത്തെടുത്തു. ഇപ്പോൾ കമ്പനിക്ക്​ ടീമില്ല, അന്ന്​ തുടർന്ന്​ വന്ന ഫിൻലേ ഷീൽഡ്​ ഇപ്പോളും തുടരുന്നു. 1940ലാണ്​ ഫിൻലേ ഷീൽഡിന്​ തുടക്കമെന്നാണ്​ കിട്ടിയ വിവരം.