പിൻഹിറോ അച്ചൻറ ഒാർമ്മയിൽ

കഴിഞ്ഞ ദിവസം മൂന്നാർ മൗണ്ട്​ കാർമ്മൽ ദേവാലയത്തിൽ ഏറെ സമയം ഇരിക്കേണ്ടി വന്നു. മാധ്യമ പ്രവർത്തകനായിരുന്ന പ്രശസ്​ത ഫോ​​േട്ടാഗ്രാഫർ സി.കുട്ടിയാപിള്ളയുടെ മകൾ യോഹിനിയുടെ വിവാഹ ചടങ്ങുകളായിരുന്നു മൗണ്ട്​ കാർമ്മൽ ദേവാലയത്തിൽ.
വിവാഹ ചടങ്ങുകൾ നടക്കു​േമ്പാൾ എൻറ ഒാർമ്മകൾ  അഗസ്​റ്റിൻ പിൻഹിറോ അച്ചനിലേക്കായിരുന്നു.
മൂന്നാറിൻറ സാംസ്​കാരിക നായകൻ കൂടിയായിരുന്നു ഇടവക വികാരിയായ പിൻഹിറോ അച്ചൻ. പിൻഹീറോ അച്ചനും ഇമാം പരീത്​ മൗലവിയും മൂന്നാർ ദേവസ്വം പ്രസിഡൻറ്​ സി. കെ. കൃഷ്​ൺ ചേട്ടനും ഒന്നിച്ചായിരുന്നു പൊതു വിഷയങ്ങളിൽ ഇടപ്പെട്ടിരുന്നത്​.
അച്ചൻ മൂന്നാറിൽ വന്നത്​ മുതൽ എൻറ ഒാർമ്മയിലുണ്ട്​. മൗണ്ട്​ കാർമ്മൽ പള്ളിയുടെ പാരിഷ്​ ഹാളിൽ പ്രവർത്തിച്ചിരുന്ന ബേബി ക്ലാസിലായിരുന്നു എൻറ ആദ്യ പഠനം. അന്ന്​ വിദേശിയായ മരിയൻ അച്ചനായിരുന്നു വികാരി. പക്ഷെ, ഒാർമ്മയിൽ ഇല്ല.
1898ൽ സ്​ഥാപിച്ച മൂന്നാർ മൗണ്ട്​ കാർമ്മൽ പള്ളിയിലെ ഇൻഡ്യക്കാരനായ ആദ്യ വികാരിയായി  1966ലാണ്​ പിൻഹിറോ അച്ചൻ മൂന്നാറിൽ ചുമതലയേൽക്കുന്നത്​. 1990ൻറ ആദ്യം വരെ അച്ചൻ മൂന്നാറിലുണ്ടായിരുന്നു. അച്ചന്​ മതവും ജാതിയും ഉണ്ടായിരുന്നില്ല.പള്ളി മേടയിൽ ആർക്കും ചെല്ലാമായിരുന്നു. അച്ചൻറ പൗരോഹിത്യ ജൂബിലി ആഘോഷം ഇടവകയുടെ മാത്രമായിരുന്നി​ല്ലല്ലോ,മുന്നാറിൻറ മറ്റൊരു കാർത്തികയിരുന്നു ആ ദിവസം. രാത്രി നടന്ന സമ്മേളനത്തിൽ എല്ലാവരും ഉണ്ടായിരുന്നു.
അച്ചന്​​ എല്ലാവരെയും അറിയാമായിരുന്നു. ആരുടെ മക്കളാണെന്ന്​ പോലും. അത്​ കൊണ്ടാണല്ലോ, ക്രിസ്​തുമസ്​, ഇൗസ്​റ്റർ, പുതുവൽസര രാത്രികളിൽ എല്ലാവരും സംബന്ധിച്ചിരുന്നത്​.
പള്ളിയിൽ ചെലവഴിച്ച സമയമത്രയും എൻറ ഒാർമ്മയിൽവന്നതും അച്ചനുമായുള്ള വ്യക്​തിപരമായ അടുപ്പമായിരുന്നു. എസ്​.എസ്​.എൽ.സി കഴിഞ്ഞപ്പോൾ എൻജിനിയറിംഗ്​ ഡി​പ്ലോമക്ക്​ പോകണ​െമന്നായിരുന്നു ആഗ്രഹം. പക്ഷെ, 234 മാർക്കുള്ള എനിക്ക്​ മെറിറ്റിൽ കിട്ടിലല്ലോ. നേരെ ചെന്നത്​ പള്ളിമേടയിലേക്ക്​.  ആലപ്പുഴ കാർമ്മൽ പോളിടെക്​നിക്കിലെ മാനേജർ അച്ചന്​ പിൻഹിറോ അച്ചൻ ഒരു കത്ത്​ തന്നു. കത്തുമായി ഞാൻ പുന്നപ്രയിലെത്തി. പക്ഷെ, മാനേജ്​മെൻറ്​ ക്വാട്ടയ്​ക്കും മിനിമം മാർക്കു​​ണ്ടെന്ന്​ എനിക്കറിയില്ലായിരുന്നു. പിന്നിട്​ സമരവും ബഹളവും ഒക്കെയായി നടക്കുന്നതിനിടെയാണ്​ വിദ്യാർഥി പ്രശ്​നങ്ങളുമായി ബന്ധ​പ്പെട്ട്​ മൂന്നാർ ടൗണിൽ ഞാൻ നിരാഹാരം കിടന്നത്. ​ ഒരു മഴക്കാലത്തായിരുന്നു അത്​.  അന്ന്​ അച്ചൻ  ഒരു ബെഡ്​ഷീറ്റ്​ തന്നാണ്​ നിരാഹാര പന്തലിലേക്ക്​ അയച്ചത്​. അന്തരിച്ച കെ.എം.പരീത്​ ലബ്ബ ഒരു ചാക്ക്​ കരിയും അടുപ്പും എത്തിച്ചു.
മൂന്നാർ കോളജ്​, മൂന്നാർ ടൗൺ വികസനം, മൂന്നാർ ഹൈഡാമിന്​ എതിരെയുള്ള സമരം, മൂന്നാർ മേള തുടങ്ങിയ എല്ലാ പ്രവർത്തനങ്ങളിലും പിൻഹിറോ അച്ചൻ നേതൃനിരയിലുണ്ടായിരുന്നു. വിജയപുരം രൂപതയുടെ വികാരി ജനറാൾ ആയാണ്​ അച്ചൻ മൂന്നാർ വിട്ടത്​. തൃശുർ ജില്ലയിലെ പടിയുർ സ്വദേശിയായിരുന്നു പിൻഹിറോ അച്ചൻ. 2006 ഡിസംബർ ആറിന്​ അച്ചൻ ലോകത്തോട്​ വിടവാങ്ങി. പിൻഹീറോ അച്ചൻ ഇന്നില്ലെങ്കിലും അദേഹത്തിൻറ ഒാർമ്മകൾ മൂന്നാറിനൊപ്പമുണ്ട്​. അച്ചൻ ജീവിച്ച മൂന്നാറല്ല, ഇന്നത്തേത്​ എന്ന ദു:ഖമുണ്ട്​. മതവും ജാതിയും മാത്രമല്ല, എല്ലാം കച്ചവട കണ്ണ്​ മാത്രമായി.