അന്ന്​ സോപ്പ്​ വ്യാപാരമെന്ന്​ പുഛിച്ചു, ഇന്ന്​ സോപ്പിന്​ പിന്നാലെ

സോപ്പ്​ ഉപയോഗിച്ച്​ കൈ കഴുകണമെന്ന്​ ജനങ്ങളെ ബോധവൽക്കരിക്കാൻ ലോക ബാങ്ക്​ സഹായ​ത്തോടെ പദ്ധതി കൊണ്ട്​ വന്നത്​ ഒാർമ്മയില്ലേ? 2001ലായിരന്നു പൊതു-സ്വകാര്യ പങ്കാളിത്തത്തോടെയുള്ള പത്ത്​ കോടി രൂപയുടെ പദ്ധതി തയ്യാറാക്കിയത്​. എന്നാൽ,ആരോഗ്യരംഗത്ത്​ ലോകത്തിന്​ മാതൃകയായ കേരളത്തെ കൈകഴുകാൻ പഠിപ്പിക്കുന്നുവെന്ന വിമർശനമാണ്​ ഉയർന്നത്​. കേരളത്തെ പരിഹസിക്കാനാണ്​ പദ്ധതിയെന്നും ആരോപണം ഉയർന്നു. ഒടുവിൽ പദ്ധതി നടപ്പായുമില്ല. എന്നാൽ, ഇപ്പോൾ മുക്കിന്​ മുക്കിന്​ കൈകഴുകാൻ സോപ്പും വെള്ളവും ഉറപ്പ്​ വരുത്തിയിരിക്കുകയാണ്​ കേരളം.

ആരോഗ്യം നിങ്ങളുടെ കൈകളിൽ എന്ന പേരിലായിരുന്ന്​ അന്ന്​ പദ്ധതി തയ്യാറാക്കിയത്​. ടോയ്​ലെറ്റിൽ പോയി വരു​​േമ്പാഴും ഭക്ഷണം പാചകം ചെയ്യും മുമ്പും ​കൈ സോപ്പിട്ട്​ കഴുകാത്തത്​ കുട്ടികൾക്ക്​ അതിസാരം (വയറിളക്കം) പിടിപ്പെടാൻ കാരണമാകുന്നുവെന്ന കണ്ടെത്തലിനെ തുടർന്നാണ്​ കേരളത്തിൽ പൈലറ്റ്​ പദ്ധതി നടപ്പാക്കാൻ ലോക ബാങ്ക്​ ആലോചിച്ചത്​. ലണ്ടനിലെ സ്​കുൾ ഒാഫ്​ ഹൈജിനിക്​ ആൻറ്​ ഹെൽത്തിൻറ പഠന റിപ്പോർട്ട്​  അനുസരിച്ചായിരുന്നു ഇത്​. കേരളത്തിന്​ പുമെ ഘാനയും ​തെരഞ്ഞെടുക്കപ്പെട്ടു. ലോകത്ത്​ ഏറ്റവും കൂടുതൽ കുട്ടികൾ മരിക്കുന്നത്​ വയറിളക്കം പിടിപ്പെട്ടാണെന്നായിരുന്നു പഠന റിപ്പോർട്ട്​. കേരളത്തിൽ രണായിരത്തിൽ 64000ത്തോളം കുട്ടികൾ വയറിളക്കത്തിന്​ ചികിൽസക്ക്​ വന്നുവെന്നും അന്ന്​ വ്യക്​തമാക്കിയിരുന്നു.

എന്നാൽ, സോപ്പ്​ കച്ചവടത്തിനുള്ള കുറുക്ക്​ വഴിയെന്ന നിലയിലാണ്​ കൈ കഴുകലിലെ ചിലർ വിശേഷിപ്പിച്ചത്​. വലിയ തോതിലുള്ള വിമ​ർശനമാണ്​ അന്ന്​ ഉയർത്തിയത്​. ഒടുവിൽ പദ്ധതി ഉപേക്ഷിക്കപ്പെട്ടു.

എങ്കിലും ആരോഗ്യ വകുപ്പിൻറ പ്രചരണ പരിപാടികളിൽ സോപ്പിട്ട്​ കൈ കഴുകണമെന്നതും ഉൾപ്പെട്ടിരുന്നു. ആരോഗ്യം സ്വന്തം കൈകളിലുടെ എന്ന പേരിൽ കഴിഞ്ഞ വർഷം തന്നെ ദേശിയ ആരോഗ്യ ദൗത്യം പ്രചരണം നടത്തിയിരുന്നു. അന്താരാഷ്​ട്ര കൈ കഴുകൽ ദിനത്തിലും പ്രത്യേക പരിപാടികൾ നടത്തിയിരുന്നു. എന്നാൽ, മലയാളിക്ക്​ സോപ്പിട്ടുള്ള കൈ കഴുകലിൻറ പ്രാധാന്യം മനസിലാക്കാൻ കോവിഡ്​ 19 വേണ്ടി വന്നു.2001ൽ കൈ കഴുകലിനെ എതിർത്തവരടക്കം ഇന്ന്​ ​പ്രചാരകരാണ്​. എങ്ങും സോപ്പും വെള്ളവും ഉറപ്പ്​ വരുത്തി ജനങ്ങ​ളെ ബോധവൽക്കരിക്കുന്നു. അതെ എല്ലാത്തിനും അതിൻറ സമയമുണ്ട്​…………………………….