‘‘എന്തുകൊണ്ട് മൂന്നാറിൽ മാത്രം’’

നിയമസഭാ കമ്മിറ്റി റിപ്പോർട്ടിനെ മറ്റൊരു കസ്​തുരി രംഗൻ റിപ്പോർട്ടാക്കി മാറ്റാനുള്ള ശ്രമങ്ങളാണ്​  മൂന്നാറിൽ നടക്കുന്നത്​. ഇത്​ വാട്​സാപ്പിൽ ലഭിച്ച സന്ദേശമാണ്​.എനിക്ക്​ മാത്രമല്ല, ഒ​​േട്ടറെ പേർക്ക്​ അയിച്ചിരിക്കാം.

‘‘എന്തുകൊണ്ട്  മൂന്നാറിൽ മാത്രം...

 കേരളം മുഴുവൻ LA പട്ടയ ഭൂമിയിൽ നിർമാണം സാധ്യമാണെങ്കെലും മൂന്നാറിൽ മാത്രമായി എന്തുകൊണ്ട് നിരോധനം ?

#  കേരളത്തിലെ ഏറ്റവും വലിയ-ഏഷ്യയിലെ രണ്ടാമത്തെ വിനോദ സഞ്ചാര മേഖലയായ മൂന്നാറിനെ  ഇല്ലാതാക്കുവാനായി ടാർഗറ്റ് ചെയ്യുന്നത് ആര് ?

# 500 ൽ പരം കെട്ടിടങ്ങൾ പൊളിച്ചു നീക്കിയാൽ മൂന്നാർ ടൂറിസം തന്നെ ഇല്ലാതാക്കുകയാണ്. ഇതിനെ ആശ്രയിച്ചു ഉപജീവനം നടത്തുന്ന പ്രദേശവാസികളായ പതിനായിരത്തോളം വരുന്ന ജനങ്ങൾക്ക് മറ്റ് എന്ത്  തൊഴിലവസരങ്ങൾ  സൃഷ്ട്ടിക്കാൻ കഴിയും ?

# ഹോട്ടലുകളിലും റിസോർട്ടുകളിലും പണിയെടുക്കുന്ന പ്രദേശ വാസികളും

മറുനാട്ടിൽനിന്നുവന്നവരുമായ പതിനായിരക്കണക്കിന് തൊഴിലാളികളെ പുനരധിവസിപ്പിക്കാനുള്ള സംവിധാനമുണ്ടോ?

#  കൃഷി മാത്രം തൊഴിലാക്കിക്കൊണ്ട് ഉപജീവനം സാധിക്കുമോ? എങ്കിൽ ഈ കാണുന്ന വികസനമൊക്കെ ഇവിടെ സാധിക്കുമായിരുന്നോ?

#  പൊളിച്ചു മാറ്റപ്പെടും എന്ന് പറയുന്ന ഈ കെട്ടിടങ്ങൾ ഒറ്റ രാത്രികൊണ്ട് പൊങ്ങി വന്നവയാണോ? കെട്ടിടനിർമ്മാണത്തിന് പെർമിറ്റും, നടത്തിപ്പിന് ലൈസൻസ് ഉം കൊടുത്ത അധികാരികളുടെ മറുപടി എന്ത് ?

#  പൊളിക്കുമെന്നു പറയുന്ന കെട്ടിടങ്ങളിൽ നിന്നൊക്കെ ബിൽഡിംഗ് ടാക്‌സും, ലാൻഡ് ടാക്‌സും,  ലക്ഷറി ടാക്‌സും , മറ്റു പലതരം ടാക്സുകളുമൊക്കെയായി ഇന്നുവരെ പിരിച്ചെടുത്ത കോടിക്കണക്കിന് രൂപയ്ക്കു എന്ത് ന്യായീകരണമാണുള്ളത് ?

#  കെട്ടിട നിർമാണത്തിന് പെർമിറ്റ് കൊടുക്കുന്ന സമയത്തു പരിസ്ഥിതി ലോല പ്രദേശത്തു കെട്ടിടം പണിയുന്നതിനുള്ള നിബന്ധനകൾ പാലിക്കണമെന്ന് എന്തുകൊണ്ട്  അധികാരികൾ നിർദ്ദേശിച്ചില്ല ?
അല്ലെങ്കിൽ നിലവിൽ വന്നിട്ടില്ലാത്ത  ഒരു പരിസ്ഥിതി നിബന്ധന എങ്ങനെ പാലിക്കാൻ കഴിയും?

#  കസ്തൂരിരംഗൻ റിപ്പോർട്ടിനേക്കാൾ കടുത്ത നിബന്ധനകളാണോ കേരളത്തിന്റെ നിയമസഭാ ഉപസമിതി മുന്നോട്ടു വെയ്ക്കുന്നത് ?

# മാറിവരുന്ന നിയമം കാരണം സാധാരണക്കാരന് ഇലെക്ട്രിസിറ്റിയും ഭവന നിർമാണ അനുമതിയും  പോലും നിഷേധിക്കപ്പെടുകയാണോ?

#  നിബന്ധനകളും നിയന്ത്രണങ്ങളും നിലനിന്നാൽ  ഭൂമിക്ക് വിലയില്ലാതായി ക്രയ വിക്രയങ്ങൾ നടക്കാതെ ഹൈറേഞ്ച് നിവാസികൾ പൊറുതിമുട്ടി  ഇറങ്ങിപ്പോകണമെന്നാണോ?
---ഉണരുക__പ്രതികരിക്കുക_  നിലനിൽപ്പിനായി പോരാടുക.’’

1. ഇനി കാര്യത്തിലേക്ക്​ കടക്കാം. മൂന്നാറിൽ എൽ.എ പട്ടയമാ​ണ്​ എന്നത്​ തന്നെ തെറ്റിദ്ധാരണയാണ്​. ഭൂമി പതിവ്​ നിയമം അനുസരിച്ചാണ്​ പട്ടയം നൽകുന്നതെങ്കിലും അതു കണ്ണൻ ദേവൻ വില്ലേജിന്​ മാത്രമായി ബാധകമായിട്ടുള്ള നിയമ പ്രകാരമാണ്​. ജില്ല കലക്​ടറാണ്​ ഇൗ വില്ലേജിൽ പട്ടയം നൽകുന്നത്​. അല്ലെങ്കിൽ കലക്​ടർ പ്രത്യേക ഉത്തരവിലുടെ അധികാരപ്പെടുത്തുന്ന ഉ​േദ്യാഗസ്​ഥൻ.അങ്ങനെയാണ്​ അഡീഷണൽ തഹസിൽദാർ എം.​െഎ. രവീന്ദ്രൻ പട്ടയം നൽകിയത്​.
2.മൂന്നാറിനെ ടുറിസ്​റ്റ്​ കേരന്ദമാക്കിയതിൽ ആർക്കാണ്​ പങ്ക്​. 1980കളു​െട അവസാനം മൂന്നാറിലെ ഒരു സംഘം യുവാക്കൾ തുടങ്ങിവെച്ച പ്രവർത്തനങ്ങളാണ്​ ഇൗ നിലയിൽ എത്തിയത്​.ടുറിസ്​റ്റ്​  കേന്ദ്രമായി മാറിയപ്പോൾ അതിൻറ പ്രതിഫലം പറ്റാൻ വന്നവരാണ്​
ഇപ്പോഴുള്ളത്​. പിന്നെ ഒരു വാണിജ്യ ഘടകവും ഇല്ലാത്ത മണം പോലുമില്ലാത്ത നീലകുറിഞ്ഞിയും മാധ്യമങ്ങളും. മൂന്നാറി​ൻറ ടുറിസ​ത്തെ ആരും തകർക്കണ്ട. ഒരിക്കൽ വന്നവർ പിന്നിട്​ വരാറില്ലെന്നാണ്​ അറിയുന്നത്​.
3. ടുറിസത്തെ ആശ്രയിച്ച്​ കഴിയുന്നവർ... അവർ എവിടെയും പോകേണ്ടി വരില്ല. തേക്കടിയിൽ ടുറിസ്​റ്റുകൾ കുറഞ്ഞതിനാൽ പ്രത്യേകിച്ചൊന്നും സംഭവിച്ചില്ലല്ലോ.ബാർ പൂട്ടിയപ്പോഴും ചാരായം നിരോധിച്ചപ്പോഴും ഇതു തന്നെയല്ലേ പറഞ്ഞത്​.
4.കൃഷി മാത്രം ഉപജീവനമാക്കിയാണ്​ മൂന്നാർ വളർന്നത്​. തേയില കൃഷിയെന്ന വിത്യാസമുണ്ടെന്ന്​ മാത്രം. കേരളത്തിൻറ (അഥവ തിരു​വിതാംകൂർ)തന്നെ സമ്പദ്​ വ്യവസ്​ഥയെ തന്നെ മാറ്റി മറിച്ചത്​ തേയിലയാണ്​. തേയില ഇല്ലെങ്കിൽ മൂന്നാർ മലകൾ വന്യജീവി സ​​​േങ്കതമാകുമായിരുന്നുവെന്ന്​ വേണം കരുതാൻ.ടുറിസം വ്യവസായി മാറിയത്​ ഇന്നലെയാണ്​ എന്നും അറിയുക.
5.പൊളിച്ച്​ മാറ്റുമെന്ന്​ പറയുന്ന കെട്ടിടങ്ങൾ ഒരു ദിവസം കൊണ്ട്​ ഉയർന്നതല്ലെന്ന്​ സമ്മതിക്കുന്നു. കൈകൂലി നൽകിയും സ്വാധീനം ഉപയോഗിച്ചും സർക്കാർ ഭൂമിയിൽ ഇവ പണിതുയർത്തിയത്​ ദിവസങ്ങൾ കൊണ്ടാണ്​.ആരുടെതാണ് ഭൂമിയെന്നും പരിശോധികക്കണ്ടതല്ലേ.ഇവയിൽ എത്ര എണ്ണത്തിനുണ്ട്​ നിയമവിധേയമായ പട്ടയം? ബഹുഭൂരിപക്ഷവും വ്യാജ പട്ടയമാണ്​. ഉദ്യോഗസ്​ഥരുടെ ബലഹീനതകൾ ചൂഷണം ചെയ്​ത്​ പണിതുയർത്തിയത്​. താഴെത്തട്ടിലെ ഉദ്യോഗസ്​ഥർ തെറ്റ്​ ചെയ്​താൽ പിടികുടാനാണ്​ മുകൾ തട്ടിലേക്കുള്ള സംവിധാനം. അതിനുമ മുകളിൽ സുപ്രിം കോടതി വരെ നിയമ സംവിധാനങ്ങളും. എല്ലാം കൃത്യമാണെങ്കിൽ ഇൗ സംവിധാനമൊന്നും വേണ്ടതില്ലല്ലോ.
6. വൈദ്യൂതിയും കെട്ടിട നിർമ്മാണ അനുമതിയും നിഷേധിക്കു​േമ്പാൾ പൊള്ളിയല്ലേ. കയ്യേറ്റ ഭൂമിയിൽ ഇതിനൊക്കെ അനുമതി നിഷേധിക്കാൻ ഇപ്പോഴെങ്കിലും തോന്നിയല്ലേ. മൂന്നാറിലെ ലക്ഷം വീട്​ പോലെ അഞ്ചും ആറും നിലകളുള്ള പഞ്ചനക്ഷത്ര ഫ്ലാറ്റുകൾ കേരളത്തിൽ എവിടെയെങ്കിലും കാണമോ? മൂന്നാറിലെ പഞ്ചായത്ത്​ കക്കുസ്​ വരെ കയ്യേറിയില്ലേ?
7.മൂന്നാറിലെ പുഴകൾ, റോഡ്​ പു​റ​േമ്പാക്ക്​, പാലം, ഏലത്തോട്ടങ്ങൾ, സ്​കുളി​ൻറയും മറ്റു സർക്കാർ സ്​ഥാപനങ്ങളുടെയും ഭൂമി, ശ്​മശാനം തുടങ്ങിയവയിൽ ഇന്ന്​ റിസോർട്ടുകളാണ്​. അവ  സംരക്ഷിക്കണമെന്നാണോ പറയുന്നത്​. 1977 ജനുവരി ഒന്നിന്​ മുമ്പുള്ള ​കയ്യേറ്റക്കാർക്ക്​ പട്ടയം നൽകാനാണ്​ കേരളത്തിലെ നിലവിലെ നിയമം. മൂന്നാർ മേഖലയിൽ നിലവിലെ റിസോർട്ടുകളിൽ ഏതെങ്കിലും ഒന്ന്​ 1996 ന്​മുമ്പ്​ കുയ്യേറിയ സ്​ഥലത്താണെന്ന്​ തെളിയിക്കാമോ? 1996ലെ പഞ്ചായത്ത്​ രേഖകൾ, വോട്ടർ പട്ടിക, അന്നത്തെ ചിത്രങ്ങൾ തുടങ്ങിയവ പരിശോധിച്ചാൽ കാര്യങ്ങൾ വ്യക്​തമാകും.
8. ഇവിടെ സാധാരണക്കാർക്ക്​ ഒരു പ്രശ്​നവുമില്ല, കസ്​തുരി രംഗൻ റിപ്പോർട്ട്​ നടപ്പിലാക്കിയാൽ കൃഷി ഭൂമി മുഴുവൻ വന്യജീവി സ​​​േങ്കതമാകുമെന്നും ആനക്കും കടുവക്കും ഭക്ഷണവും വെള്ളവും തയ്യാറാക്കി വെക്കണമെന്നും കെട്ടിടങ്ങൾക്ക്​ പച്ച പെയിൻറടിക്കണമെന്നും പറഞ്ഞവരുടെ നാടല്ലേ.
അവസാനമായി ഒരു കാര്യം കൂടി.. മൂന്നാറുകൾ ഭൂമി കയ്യേറാൻ തീുരമാനിച്ചിരുന്നുവെങ്കിൽ ഇപ്പോൾ റിസോർട്ട്​ നിർമ്മിച്ചവർക്ക്​ സ്​ഥലം ലഭിക്കുമായിരുന്നില്ല. അവർ വിനോദ സഞ്ചാരികളെ പോലെ മൂന്നാർ കണ്ട്​ മടങ്ങുമായിരുന്നു. മുന്നാറുകാർ അവരുടെ മണ്ണ്​ സംരക്ഷിച്ചതിൻറ പ്രതിഫലം
കൊയ്​തവരാണ്​ ഇപ്പോൾ വികസനത്തെ കുറിച്ച്​ പറയുന്നത്​.