മൂന്നാറിലെ സര്‍ക്കാര്‍ ഭൂമിയും
അന്യാധീനപ്പെട്ടു
മുന്നാറില്‍ സര്‍ക്കാരിന് വിട്ട് കിട്ടിയ ഭൂമി മാത്രമല്ല സ്ഥാപനങ്ങളടെ ഭുമിയും വന്‍തോതില്‍ അന്യാധീനപ്പെട്ടു. ടാറ്റയെ തോല്‍പിക്കാനുള്ള ശ്രമത്തില്‍ സര്‍ക്കാര്‍ ഭൂമിയില്‍ റിസോര്‍ട്ടുകള്‍ ഉയര്‍ന്നത് കാണാതെ പോയി പലരും. വിദ്യാഭ്യാസ, പൊതുമരാമത്ത്, ടൂറിസം വകുപ്പുകള്‍, വൈദ്യുതി ബോര്‍ഡ്, കെ. എസ്. ആര്‍. ടി. സി എന്നിവര്‍ക്ക് ലാന്‍ഡ് ബോര്‍ഡ് അവാര്‍ഡിലൂടെ കിട്ടിയ ഭൂമിയാണ് സ്വകാര്യ വ്യക്തികള്‍ കയ്യേറിയത്.
മുന്നാര്‍ ഗവ. ഹൈസ്കൂളിലെ രണ്ട് അതിരുകളിലും ഭൂമി നഷ്ടമായി. ഇവിടെ ഹോട്ടലും റിസോര്‍ട്ടും ഉയര്‍ന്നിട്ടും ബന്ധപ്പെട്ടവര്‍ അറിഞ്ഞില്ല. ഹൈസ്കൂളിനടുത്ത് ഹെഡ്മാസ്റ്ററുടെ ക്വാര്‍ട്ടേഴ്സിനോട് ചേര്‍ന്ന ഭൂമിയാകെ അന്യാധീനപ്പെട്ടു. ടീച്ചേഴ്സ് ക്വാര്‍ട്ടേഴ്സിന്റെ സ്ഥലവും പലരും സ്വന്തമാക്കി. കെ. എസ്. ആര്‍. ടി. സിക്ക് ദേവികളുത്തുണ്ടായിരുന്ന ഭൂമിയെ കുറിച്ച് ആര്‍ക്കും രൂപമില്ല. ജി. വരദന്‍ എം. എല്‍. എയായിരിക്കെ ഓഫീസായി പ്രവര്‍ത്തിച്ചിരുന്ന കെ. എസ്. ഇ. ബിയുടെ ക്വാര്‍ട്ടേഴ്സ് ഇന്നവിടെയില്ല. പകരം കാണുന്നത് റിസോര്‍ട്ട്. ഇത്തരത്തില്‍ കെ. എസ്. ഇ. ബിയുടെ ക്വാര്‍ട്ടേഴ്സ് സ്വന്തമാക്കിയവരുടെ പട്ടികയിലുള്ളത് പ്രമാണിമാര്‍. പൊതുമരാമത്ത് വകുപ്പ്, ടുറിസം എന്നിവയുടെ ഭൂമിയും ശിവകാശി പട്ടയത്തിന്റെ പേരില്‍ പലരും സ്വന്തമാക്കി. കോടികള്‍ വിലവരുന്ന ഭൂമിയാണ് ഇത്തരത്തില്‍ അന്യാധീനപ്പെട്ടത്.
മുന്നാറില്‍ ഏതൊക്കെ സര്‍ക്കാര്‍ സ്ഥാപനങ്ങള്‍ക്കാണ് ഭൂമിയുണ്ടായിരുന്നതെന്നും അത് എത്രയെന്നും ഇപ്പോള്‍ എത്രയുണ്ടെന്നതിനെ സംബന്ധിച്ചും സര്‍ക്കാര്‍ ധവളപത്രം പുറത്തിറക്കണമെന്ന്, മൂന്നാറിലെ ഇടിച്ച് നിരത്തലിന് പിന്തുണയുമായി മൂന്നാറില്‍ സമ്മേളനം നടത്തിയ സാംസ്കാരിക പ്രവര്‍ത്തകരെങ്കിലും ആവശ്യപ്പെടുമോ?????? അതോ ഈ കയ്യേറ്റവുമ ടാറ്റയുടെ സാമ്രജ്യത്തിലെ വിജയമായി അഭിമാനിക്കുമോ?????????????????
No comments:
Post a Comment