ആൻഡ്രൂസിൻറ ഗുരുദക്ഷിണ

വല്ലാത്തൊരു അനുഭവമായിരുന്നു അത്​, നാൽപത്​ വർഷത്തിന്​ ശേഷം അന്നത്തെ പത്താം ക്ലാസ്​ വിദ്യാർഥി, അധ്യാപികയുടെ കാലിൽ വീണ്​ മാപ്പ്​ അപേക്ഷിക്കുകയെന്നത്​.ടീച്ചറിൻറ പാദങ്ങൾ കണ്ണീർകൊണ്ട്​ നനഞ്ഞപ്പോൾ, ഒരുപക്ഷെ ഒരു അധ്യാപികക്ക്​ ജീവിതത്തിൽ ലഭിക്കാവുന്ന ഏറ്റവും വലിയ ഗുരുദക്ഷിണയായി മാറിയിരിക്കാം​.മുന്നാർ ഗവ.ഹൈസ്​കുളി​ലെ 1976-77 ബാച്ച്​എസ്​.എസ്​.എൽ.സി വിദ്യാർഥികൾ നാലുപതിറ്റാണ്ടിന്​ ശേഷം സംഗമിച്ചപ്പോഴാണ്​ അപൂർവ്വമായ മാപ്പ്​ പറച്ചിലും ഉണ്ടായത്​.ഇക്കഴിഞ്ഞ മെയ്​ 27നായിരുന്നു മൂന്നാർ ഗവ.ഹൈസ്​കുളിൽ ഒത്ത്​ചേരൽ സംഘടിപ്പിച്ചത്​. സ്വാഗതവും അധ്യക്ഷ പ്രസംഗവും കഴിഞ്ഞ്​, ഹാജർ വിളിച്ച്​ തുടങ്ങി. ഹാജർ വിളിക്കുന്നതിനൊപ്പം അന്നത്തെ ഗണിതാധ്യാപിക പാൻസി വില്യം ഒാരോത്തർക്കും പൂച്ചെട്ട്​ സമ്മാനിക്കും. ആൻഡ്രൂസിൻറ പേരു വിളിച്ചതോടെ, ടീച്ചറിൻറ പക്കൽ നിന്നും പൂച്ചെട്ട്​ വാങ്ങിയതിനൊപ്പം കൈപിടിച്ച്​ ഒരു നിമിഷം മൗനം. പിന്നെ അടക്കി പിടിച്ച കരച്ചിൽ . അടുത്ത നിമിഷം ടീച്ചറിൻറ കാൽക്കൽ വീണ്​- ‘പഠിക്കു​​േമ്പാൾ ഒത്തിരി ഉപദ്രവിച്ചിട്ടുണ്ട്​,മാപ്പ്​ തരണം, ശപിക്കരുത്​, അന്ന്​ പഠിക്കാൻ ഉപദേശിച്ചപ്പോൾ അനുസരിച്ചില്ല’ആൻ​ഡ്രുസിൻറ പശ്ചാത്താപമായിരുന്നു കേട്ടത്​.  ആൻ​ഡ്രുസിൻറ കരച്ചിലിൽ ചടങ്ങ്​ നടന്ന ഹാൾ നിശബ്​ദമായി. മറ്റുള്ളവരുടെ കണ്ണുകളും നനഞ്ഞു. ഒപ്പം ടീച്ചറിൻറയും. വേദിയിലുണ്ടായിരുന്ന അന്നത്തെ കായികാധ്യാപകൻ ഒ.പി.പോൾ സാർ ഇടപ്പെട്ടാണ്​ ആൻഡ്രുസിനെ സ്വന്തം ഇരിപ്പിടത്തിലേക്ക്​ മടക്കിയത്​. പഠിക്കു​േമ്പാൾ ക്ലാസിലെ സീനിയർ ആയിരുന്നു ആൻഡ്രുസ്​. ടീച്ചറാക​െട്ട ആ വർഷമാണ്​ മൂന്നാർ ഹൈസ്​കൂളിൽ അധ്യാപികയായി എത്തിയത്​.
ടീച്ചറിൻറ മറുപടിയാണ്​ ആൻഡ്രൂസിനടക്കം എല്ലാവർക്കും തണലായത്​. ഒരു അധ്യാപകർക്കും​ ആരെയും ശപിക്കാനാകില്ല. അവർ ശകാരിച്ചാലും പിണങ്ങിയാലും  അത്​ അപ്പോഴത്തേക്ക്​ മാത്രമാണ്​. വിദ്യാർഥികൾ എത്ര വളർന്നാലും അവർ അധ്യാപകർക്ക്​ കുഞ്ഞുങ്ങൾ മാത്രമാണ്​-പാൻസി ടീച്ചർ പറഞ്ഞു.
നാൽപത്​ വർഷം മനസിൽ കൊണ്ട്​ നടന്ന സ്വകാര്യ ദു:ഖമാണ്​ ആൻഡ്രുസ്​ ആ വേദിയിൽ കണ്ണീരിലൂടെ ഇല്ലാതാക്കിയത്​​.പതിറ്റാണ്ടുകൾ കഴിഞ്ഞാലും ഗുരു-ശിഷ്യ ബന്ധത്തിന്​ അതിൻറതായ അർഥമുണ്ടെന്ന്​ ഒരിക്കൽ കൂടി തെളിയിക്കപ്പെടുകയായിരുന്നു. പ്രായവും സ്​ഥാനവും ഗുരു-ശിഷ്യബന്ധത്തിന്​ തടസമാകുന്നില്ല.
1977ൽ മലയാളം മീഡിയത്തിൽ പഠിച്ച 31പേരിൽ 18പേരും ഒമ്പതാം ക്ലാസിൽ നിന്നും മറ്റ്​ സ്​കൂളിലേക്ക്​ പോയ മൂന്നു പേരുമാണ്​ ചടങ്ങിനെത്തിയത്​.അന്നത്തെ കുട്ടികളിൽ ചിലരിന്ന്​ അധ്യാപികമരാണ്​, മാധ്യമ പ്രവർത്തകർ, ബിസിനസുകാർ തുടങ്ങി സ്വയംതൊഴിൽ കണ്ടെത്തിയവർ വരെയുണ്ട്​. പലരും കുടുംബവുമായി എത്തി. ചിലരുടെ വിരൽതുമ്പിൽ പേരക്കുട്ടികളുണ്ടായിരുന്നു.