ഇടമലക്കുടിയിലെ ആദിവാസികളെ ഇങ്ങനെ അപമാനിക്കണോ?????
സംസ്ഥാനത്തെ ആദ്യ പട്ടികവര്‍ഗ ഗ്രാമ പഞ്ചായത്തായി ഇടമലക്കു
ടിയെ പ്രഖ്യാപിച്ചതിന് ശേഷം വോട്ടെടുപ്പുമായി ബന്ധപ്പെട്ട്
എന്തൊക്കെ കഥകളാണ് പത്രങ്ങളില്‍ വരുന്നത്. ജില്ലാ, ബ്ലോക്ക്, ഗ്രാമപഞ്ചായത്തുകളിലേക്കുള്ള വോട്ടുകള്‍ ഒരു ബാലറ്റില്‍ ചെയ്താല്‍ മതിയോയെന്ന് ഇടമലക്കുടിക്കാര്‍ പോളിംഗ് ഉദ്യോഗസ്ഥരോട് ചോദിച്ചുവെന്നാണ് ഒരു പത്രത്തിന്റെ കണ്ടെത്തല്‍. ഇത് മാത്രമല്ല, ആദിവാസികളെ
അല്‍ഭുത ജീവികളാകുന്ന ഒട്ടേറെ നിറം പിടിപ്പിച്ച കഥകളാണ് വാര്‍ത്തയാകുന്നത്.
ആനമുടി റിസര്‍വ് വനത്തില്‍ പുറംലോകവുമായി ബന്ധമില്ലാത്ത
താണ് ഇടമലക്കുടിയെന്നത് നേര്. എന്നാല്‍ അവിടെത്തെ ആദിവാസി
കളായ മുതുവാന്മാര്‍ വോട്ട് ചെയ്യുന്നത് ആദ്യമായിട്ടില്ല. എത്രയോ കാലമായി ഇടമലക്കുടിയില്‍ പോളിംഗ് ബൂത്തുണ്ട്. അതിന് മുമ്പ് പെട്ടിമുടിയിലെ ബൂത്തിലെത്തിയാണ് ഇടമലക്കുടിയിലെ വോട്ടര്‍മാര്‍ വോട്ട് ചെയ്തിരുന്നത്. ത്രിതല സംവിധാനം നിലവില്‍ വന്നത് മുതല്‍ ഇടമലക്കുടിക്കാരും മുന്ന് വോട്ട് ചെയ്യുന്നുണ്ട്. ജില്ലാ, ബ്ലോക്ക്, ഗ്രാമ പഞ്ചായത്തുകളിലേക്കായി മുന്ന് ബാലറ്റുകളില്‍ വോട്ട് ചെയ്യണമെന്നും അവര്‍ക്കറിയാം. കാലാവധി അവസാനിച്ച മൂന്നാര്‍ ഗ്രാമ പഞ്ചായത്ത് ഭരണസമിതിയില്‍ ഇടമലക്കുടി വാര്‍ഡിനെ പ്രതിനിധാനം ചെയ്തിരുന്നതും ഇടമലക്കുടിയില്‍ നിന്നുള്ള പട്ടികവര്‍ഗ മെമ്പറായിരുന്നു. എന്നിട്ടും എന്തിന് ഇവരെ കാഴ്ചവസ്തുവാക്കാന്‍ ശ്രമിക്കുന്നു. പണ്ട് മുന്നാര്‍ മേള നടന്ന
പ്പോള്‍ ഇടമലക്കുടിയിലെ മുതുവാന്മാരെ പ്രദര്‍ശന വസ്തുവാക്കാ  ന്‍ശ്രമം നടന്നിരുന്നു. അന്ന് മുന്നാറിലെ മാധ്യമ പ്രവര്‍ത്തകരാണ് ആ നീക്കം പരാജയപ്പെടുത്തിയത്. പക്ഷെ, ഇന്നോ??????

Binoy create history

 മൂന്നാര്‍ റിസര്‍വ് വന വിജ്ഞാപനത്തിന് അംഗീകാരമായി; മന്ത്രി ബിനോയ് ചരിത്രം രചിച്ചു
മുന്നാറിലെ 17066  ഏക്കര്‍ ഭൂമി സംരക്ഷിത വനമായി വിജ്ഞാപനം ചെയ്യുന്നതിന് ഒടുവില്‍ മന്ത്രിസഭയുടെ അംഗീകാരം. വനം മന്ത്രി ബിനോയ്വിശ്വം സ്വീകരിച്ച കടുത്ത നിലപാടിനെ തുടര്‍ന്നാണ് മുഖ്യമന്ത്രിയുടെതടക്കം മനസ് മാറിയത്. തദ്ദേശ തെരഞ്ഞെടുപ്പിന് ശേഷം ഇത് സംബന്ധിച്ച് ഔദ്യോഗസിക പ്രഖ്യാപനമുണ്ടാകും. സര്‍ക്കാര്‍ ഇത്തരവിറങ്ങി മുപ്പത് വര്‍ഷത്തിന് ശേഷമാണ് വിജ്ഞാപനം പുറപ്പെടുവിക്കാനുള്ള തീരുമാനം.ഇതോടെ ഇതിന് നേതൃത്വം നല്‍കിയ മന്ത്രി ബിനോയ്വിശം ചരിത്രത്തില്‍ ഇടം കണ്ടെത്തുകയാണ്.
കടമ്പകള്‍ താണ്ടി മാസങ്ങള്‍ക്ക് മുമ്പ് തന്നെ മന്ത്രിസഭയുടെപരിഗണനക്ക് ഫയല്‍ വന്നുവെങ്കിലും സംരക്ഷിത വനമായി വിജ്ഞാപനം ചെയ്യുന്നതിനോട് മുഖ്യമന്ത്രിയടക്കം യോജിച്ചിരുന്നില്ല.  ഭൂരഹിതര്‍ക്ക് പതിച്ച് നല്‍കണമെന്ന നിലപാടാണ് സ്വീകരിച്ചത്. ഇതേ തുടര്‍ന്ന് ഫയല്‍ മാറ്റിവെക്കുകയായിരുന്നു. സംരക്ഷിത വനഭൂമി വിജ്ഞാപന നിര്‍ഒദ്ദേശം പിന്‍വലിക്കണമെന്നഅഭിപ്രായവും കഴിഞ്ഞ മന്ത്രിസഭയിലുണ്ടായി. ഇത്തരമൊരുതീരുമാനമുണ്ടായാല്‍ അത് മന്ത്രിസഭയുടെ പ്രതിഛായയെ ബാധിക്കുമെന്ന നിലപാടാണ് വനം മന്ത്രി സ്വീകരിച്ചത്.
17922 ഏക്കര്‍ ഭൂമി സംരഷിത വനമായി വിഞ്ജാപനം ചെയ്യാനാണ് 1980ല്‍ സര്‍ക്കാര്‍ ഉത്തരവ് പുറപ്പെടുവിച്ചതെങ്കിലും അത് 17066 ഏക്കറായി കുറഞ്ഞിട്ടുണ്ട്. 1971 കെ. ഡി. എച്ച്. ആക്ട് അനുസരിച്ചാണ് വനം വകുപ്പിന് ഭുമി കൈമാറണമെന്ന് നിര്‍ദേശിക്കപ്പെട്ടത്്. കണ്ണന്‍ദേവന്‍ ഹില്‍സ് വില്ലേജിലെ 17992 ഏക്കര്‍ ഭൂമി സംരക്ഷിത വനമാക്കുന്നതിന് വിജ്ഞാപനം പുറപ്പെടുവിക്കാന്‍  1980 എപ്രില്‍ 18നാണ് സര്‍ക്കാര്‍ ഉത്തരവ് പുറപ്പെടുവിച്ചത്. പിന്നിട് 1988 നവംബര്‍ രണ്ടിലെ സര്‍ക്കാര്‍ ഉത്തരവിലും ഇതാവര്‍ത്തിച്ചു.
2008 ഒക്ടോബര്‍ ഒമ്പതിന് മൂന്നാറില്‍ മുഖ്യമന്ത്രി വി. എസ്. അച്യുതാനന്ദന്റെ അദ്ധ്യക്ഷതയില്‍ ചേര്‍ന്ന മന്ത്രിസഭാ ഉപസമിതിയും വനഭൂമി വിജ്ഞാപനത്തിന് നടപടികള്‍ സ്വീകരിച്ചിരുന്നു. 17349 ഏക്കര്‍ ഭൂമി വിജ്ഞാപനം ചെയ്യുന്നതിന് നടപടികള്‍ സ്വീകരിച്ചുവെങ്കിലും കെ. ഡി. എച്ച്. വില്ലേജിലെ സര്‍വേ കഴിഞ്ഞിട്ടില്ലെന്ന ഇടുക്കി കലക്ടറുടെ റിപ്പോര്‍ട്ട്  തടസമായി. ഇതേ തുടര്‍ന്ന്  വനം, റവന്യു, തദ്ദേശസ്വയം ഭരണ സെക്രട്ടറിമാര്‍ അടങ്ങിയ സംയുക്ത സമിതിയെ പരിശോധനക്കായി നിയോഗിച്ചു. വനമായി പ്രഖ്യാപിക്കുന്നതിന് നിര്‍ദ്ദേശിക്കപ്പെട്ട ഭൂമിയില്‍ ജനവാസമില്ലെന്ന റിപ്പോര്‍ട്ടാണ് നല്‍കിയത്്. നിര്‍ദിഷ്ട സംരക്ഷിത വനഭൂമിയില്‍ ഏറെയും വനം വകുപ്പിന്റെ നിയന്ത്രണത്തിലാണ്.